Deputeti i Partisë Socialiste, Plarent Ndreca shprehet totalisht kundër arrestimit të kryebashkiakut Erion Veliaj.
Në një intervistë për Andrea Dangllin, Ndreca u shpreh se gjykata duhet të analizonte dhe dëmet që i shkaktoi qytetit të Tiranës, pasi Veliaj sipas tij ka një cilësi tjetër si i zgjedhur.
“Vendimin e kam lexuar deri diku. Është një vendim i marrë në dispropocionalitet përsa përfaqëson ai për Bashkinë dhe Partinë Socialiste. Nuk janë analizuar dëmet që i shkaktohen qytetit dhe subjektit të PS. E përcakton dhe kodi. Sepse arresti me burg është një masë ekstreme. Ka një cilësi tjetër para ligjit, është duke ushtruar detyrën. Ndërprerja e mandatit të një të zgjedhuri nga 160 mijë qytetarë duhet të ishte marrë në konsideratë”, u shpreh Ndreca.
