Tirana solidarizohet me banorët e Amatriçes në Itali, të cilët pak ditë më parë u goditën nga një tërmet i fortë që shkatërroi thuajse gjithë pjesën historike të kësaj qyteze.
Kryetari i Bashkisë së Tiranës, Erion Veliaj, ka vizituar dje pasdite zonën e prekur nga tërmeti duke ndarë keqardhjen për këtë tragjedi, ndërsa u interesua gjithashtu për familjet shqiptare të prekura prej tij.
Ai gjithashtu në emër të Bashkisë së Tiranës ka ofruar ndihmë konkrete për Amatriçen kryetarit të komunes, Sergio Pirozzi.
“Në Amatrice për të ndihmuar si bashki shqiptare pasojat e tërmetit. Ambasada e Shqipërisë në Itali punë fisnike me familjet tona aty! Në Komunën e Amatriçes për të sjellë solidaret dhe inkurajuar kryebashkiakun Sergio Pirozzi dhe familjet italo – shqiptare”, shkruan Veliaj në Twitter.
Tërmeti i Amatriçes ndodhi në mëngjesin e 24 gushtit dhe ku humbën jetën rreth 300 persona ndërsa u shkaterua gjithë pjesa e vjetër e qytetit.
shqiptarja.com/d.i.
