Shqiptarët që nuk fitojnë azil në Holandë nuk do të marrin më pagesë për t’u larguar nga vendi. Më parë çdo i rritur merrte 200 euro ndërsa fëmijët 40 euro.
Deklarata u bë nga ministri për çështjet e sigurisë, Klaas Dikhof. “Shqipëria është një vend i sigurt dhe nuk ka kuptim që ata të kërkojnë azil në Holandë”, deklaroi ministri.
Sipas tij, qindra shqiptarë, por edhe qytetarë nga vendet e tjera të Ballkanit Perëndimor kërkojnë azil në Holandë duke e ditur se kjo kërkesë do tu refuzohet, edhe pse për të marrë vendimin duhet të presin tetë muaj”, deklaroi ministri Dikhof. Ai theksoi se pagesa për largimin ishte bërë për të inkurajuar largimin vullnetar nga Holanda, por tashmë ai dëshiron që kjo procedurë të ndalet.
BW/d.i.
