Kryetari i Bashkisë së Tiranës, Erion Veliaj, zhvilloi te marten pasdite një takim me bordin e prindërve në Tiranë për të bashkëbiseduar për situatën aktuale të çerdheve, kopshteve dhe shkollave dhe zgjidhjet që duhen ofruar.
Veliaj në fjalën e tij tha se “Ky takim i sotëm është për t’ju përgjigjur kësaj dileme dhe zgjidhja është kontakti, ballafaqimi mes jush dhe prindërve dhe bordin e prindërve mund të ruajme ndjesinë e komunitetit dhe ky do të jetë një proces sistematik dhe ju ftoj në bashkëbisedim. Sigurisht qe me reformën e re territoriale edhe struktura me çerdhet dhe kopshtet do të ndryshojë dhe unë ju ftoj për dialog”.
“Ne ia dolëm me trafikun duke shmangur orët e munguara të mësimit në shkolla, po ashtu edhe me ndertimet pa leje pranë shkollave dhe ambienteve të mësimdhënies dhe ju ftoj të denonconi raste si për paligjshmerinë në ndertime, ashtu dhe në pastrimin e territorit”, tha Veliaj.
Ne vazhdim, ai vuri ne dukje se “në buxhetin e ri ne do të rifusim fondin për të rikthyer bursat për nxënësit më të mirë, për të dhënë një stimul e për të thënë se më të mirët e meritojnë dhe bashkia është për promovimin e vlerave më të mira dhe misioni i këtij takimi është të promovojmë më të mirën, sic është promovimi i nxënësve më të mirë”.
