Pianisti hungarez, kompozitori dhe dirigjenti Zoltan Kocsis vdiq pak ditë më parë në moshën 65 vjeçare, kanë thënë burime të Orkestrës Filarmonike Kombëtare të Hungarisë.
Deklarata nuk specifikon shkakun e vdekjes.
Kocsis në vitin 2012 ka pasur një operacion të rëndë të zemrës, dhe muajin e kaluar, Filarmonia, nga të cilat ai ishte drejtor muzikor, ka thënë se për shkak të shëndetit të dobët janë anuluar të gjitha koncertet e saj në mënyrë që ai të pushonte dhe të shërohej.
Pianisti dhe dirigjenti me famë botërore, u lind në Budapest më 30 maj në vitin 1952.
Ai themeloi Festivalin e Orkestrave të Budapest në vitin 1983, së bashku me Ivan Fischer. Si drejtori muzikor i Orkestrës Filarmonike hungareze u zgjodh në vitin 1997 dhe ai konsiderohej si një nga performuesit më të mirë të veprave të kompozitorit hungarez Bela Bartok dhe Gyorgy Kurtag, referon BETA. (b.an)
