Humb jetën në spitalin e burgut pas infektimit nga Covid-19, Todi Lera, 59-vjeç. Rreth dy vite më parë, Todi Lera vrau duke e mbytur me duar bashkëshorten, Eva Lera.
Ngjarja ndodhi për shkak të xhelozisë së tepruar nga Todi Leranë shkurt të vitit 2019 në Vlorë. Prindër të 4 fëmijëve, pavarësisht problemeve që kishin pasur dhe madje ishte dënuar para se të krryente krimin e rëndë, ai pasi vrau gruan e tij, tentoi të vetëvritej.
Lidhur me ngjarjen Lera u shpall fajtor dhe u dënua nga gjykata e Vlorës.
Todi Lera, për shkak te tenativës për vetëvrasje mori fillimisht mjekim në spitalin e Vlorës, më pas u shoqërua nga Policia drejt Tiranës, për caktimin e masës së sigurisë. Seanca u zhvillua me dyer të mbyllura, por mësohet se ai nuk kishte shfaqur pendesë për krimin e kryer.
Todi Lera ishte braktisur edhe nga familjarët pas krimit brenda familjes, teksa kur u dënua, nuk ishte askush prej tyre në seancë.
Rreth 22 muaj pas ngjarjes së rëndë, Todi Lera mësohet se është ndarë sot nga jeta në spitalin e Burgut në QSUT, pasi u infektua me koronavirus.
Dy javë më parë ai ishte infektuar me koronavirus dhe pasi u përkeqësua gjendja shëndetësore, Lera humbi jetën në spitalin e burgut ku po vuante dënimin.
/a.r
