Joe Alaskey u nda nga jeta të mërkurën, pasi humbi betejën në moshën 63-vjeçare. Një emër që ndoshta nuk prek asnjë tel të kujtesës, pasi në ekran nuk ka dalë me fytyrën e tij. Ai ishte aktori zanor që iu dha zë shumë prej kartonave më të dashur prej fëmijëve kudo në botë, legjendarë të tillë si Bugs Bunny, Daffy Duck, Tweety, Sylvester dhe Marvin Marsiani.
Alaskey ishte një nga pasuesit më të mirë të të famshmit Mel Blanc, zëri origjinal i kartonëve të shumtë të Warner Bros.
Blanc iu dha zë disa prej personazheve të Looney Tunes në filmin “Kush ia punoi lepurit Roger” më 1988, por mendonte se zëri karakteristik i Yosemite Sam mund të ishte shumë i dëmshëm për fytin e tij. Për këtë arsye Alaskey ofroi zërin e tij.
Më 2004, fitoi një Emmy Award për punën e tij në programin e animuar Duck Dodgers, ku bëri zërin e personazhit të titullit.
