Pas gjyqtarëve të saj, tani edhe vetë Gjykata Penale Ndërkombëtare po paguan çmimin e mosveprimit të vendeve evropiane përballë sanksioneve të vendosura nga Donald Trump, lidhur me urdhër-arrestet e lëshuara kundër kryeministrit izraelit Benjamin Netanyahu dhe ish-ministrit të mbrojtjes Yoav Gallant, për luftën në Gaza.
Gazetari Diego Velazquez i Luxemburger Wort ka zbuluar se një bankë në Luksemburg ka vendosur të mbyllë llogaritë e Gjykatës Penale Ndërkombëtare, e cila ka selinë në Hagë (duke ndërprerë çdo marrëdhënie me të), për të mos rrezikuar të bjerë pre e zemërimit të Trump-it.
Bëhet fjalë për një masë parandaluese, pasi CPI nuk është sanksionuar drejtpërdrejt. Vendimi i bankës Spuerkeess është marrë në fund të shkurtit.
Spuerkeess është një bankë 100% në pronësi të shtetit, e njohur edhe si Banque et Caisse d’épargne de l’État (BCEE).
CPI kishte shpërndarë rreth 17 milionë euro në dy llogari, përpara se të vendoste të zhvendoste fondet në Holandë në fillim të vitit 2025, nga frika e sanksioneve të Trump-it.
