Në fjalimin e gjatë të së enjtes në Kuvend, Sali Berisha ka komentuar edhe debatet e fundit brenda Partisë Socialiste.
Ai tha se Rama duhet të bojkotohet nga socialistët, pasi nuk po lejon Ben Blushin që të kandidojë për kreun e partisë.
Por, atij i është përgjigjur Blushi, duke i kujtuar atij se është otoman komunist dhe që ka qenë në konflikt me Turqinë.
Blushi ka kërkuar nga Berisha që të mos merret me punët e PS-së, pasi ai nuk është një shembull për t’u marrë, duke qenë se ka urdhëruar rrahjen e rivalëve të tij në parti.
Berisha: Nuk i rrihet dot më, është në fuga dhe paranojë, s’ka besim tek asnjëri prej jush, përveç 2-3.
Ju që më thatë qëparë mos u përziej në punë e PS, por nuk kam asnjë tendencë.
Por të dalë tjetri dhe të thotë ndaloj rivalët, në mënyrë absolute duhet të përballet me çdo lloj bojkoti në këtë vend.
Ti po të duash kandido, po të duash jo ( i drejtohet Blushit), unë merrem me normën.
Kujton se po bëj avokatin tënd unë?
Gjëja e fundit që mund të bëj në tokë unë, avokatinë tënde, ta kesh të qartë.
Por bëj avokatinë e vlerave dhe të parimeve të një sistemi demokratik.
Më vjen shumë mirë që dy deputetë të veriut mbrojnë garën, sepse zotëria e tij veriun e ka të personifikuar me kriminelë, vrasës, trafikantë dhe banditë.
Por ka dhe të tjerë dhe këtu në Parlament, dhe as janë banditë, as kriminelë, por janë dinjitozë, qytetarë të vërtetë.
Dhe më ka ardhur mirë shumë që të paktën për këtë i kanë dhënë një përgjigje të merituar këto ditë.
Blushi: Ja si flet një otoman komunist.
Sa i përket politikës së jashtme, je tamam otoman komunist. Ke qënë në konflikt me të gjithë. Ke qënë në konflikt me Turqinë e Erdoganin… Kosovën e përçave, pra mos fol për politikë të jashtem.
Flet edhe për ne. Ne jemi në një garë brenda partisë për arsyet tona. Pyetja ime për ty është: Ça ke që merresh me ne, e ke lënë teserën e partisë PPSH-së, para 25 vitesh.. ça do që merresh me ne?!
Kam qënë 20 vjeç kur kam dalë kundër teje. I shkarkove kundërshtarët, i hoqe të gjithë, ti i ke rrahur njerzit e partisë tëndë..
Mua nuk më lënë të bëj garë dhe duke u future ti akoma më shumë nuk do të më lënë të bëj garë. Ç’punë ke ti me ne?
Ça halli ke që përzihesh në punët tona.
Ti dil e thuaj si e përzure Eduard Selamin dhjetë vjet në Amerikë, si i rrahe e i përzure të tjerët.
Kam frikë se po vuajmë modelin që krijove në 25 vjet, i cili ka ndikuar që sot nuk bëhët garë.
Nuk e ke lejuar kurrë garën, i ke rrahur kundërshtarët e tu.
Izet haxhia i merrte kundërshtarët dhe i rrihte në zyrën tëndë.
Unë po kërkoj garë sepse nuk dua që model jo të mbijetojë edhe 25 vjetësh.
Unë do jem kundër gjtihmonë kundër teje se ti nuk ndryshon. Je një ottoman komunist.
Berisha: Me Blushin kam njohje të vjetër. Kam njohje të vjetër dhe në çdo rrethanë, absolutisht, unë disa anë të tij i vlerësoj.
Por në politike nuk dua të citoj veten time, por nuk mund të citoj veten dhe as ta le pa cituar.
Edhe po s’pati njeri për të tradhtuar, tradhton veten e tij.
Harroje ti se unë shpenzoj qoftë dhe një çerek fjale të vetme të ndihmoj ty.
Blush, ti je një tradhtar.
Kur s’ke njeri të tradhtosh, ti tradhton vetveten
