Disa qytetarë po zhvilluan këtë pasdite një tjetër protestë kundër qeverisë, pas ngjarjes së rëndë të ndodhur pak ditë më parë plazhin e Potamit në Himarë, ku një skaf me drejtues Arjan Tase përplasi për vdekje një vajzë 7 vjeçe.
Protesta e kësaj të hëne vjen 4 ditë pas protestës së zhvilluar para Ministrisë së Brendshme nga qytetarët, të cilëve iu bashkuan PD dhe Partia e Lirisë. Por duke parë pjesëmarrjen e ulët, këtë herë Sali Berisha dhe Ilir Meta nuk u janë bashkuar tubuesve.
Mësohet se itenerari pritet të jetë i njëjtë si ai i javës së kaluar. Protestuesit do të mblidhen në Ministrinë e Brendshme për të marshuar drejt Kryeministrisë. Nuk dihet nëse do të ketë edhe një marshim drejt Drejtorisë së Policisë.
Efektivët janë grumbulluar në 2 pika, fillimisht në Ministrisë e Brendshme ku nuk ka një numër të konsiderueshëm efektivësh. Gjithashtu janë pozicionuar edhe efektivë drejt Kryeministrisë. Nuk është parë një numër i lartë i oficerëve të Policisë, por ka forca që do të qëndrojnë në gatishmëri.
Protestuesit i lanë afat kryeministrit Edi Rama që deri këtë të hënë të shkarkonte dy ministrat, Ministrin e Brendshëm, Bledi Çuçi dhe ministren e Turizmit, Mirela Kumbaron.
/a.r
