Dyshimi i policisë është se personi i cili ka bërë grabitjen dhe ka lidhur të moshuarën nga kambët e duart e njihte Fatime Hidën. Kjo edhe për faktin se autori ose autorët janë futur direkt në dhomën ku jetonte e moshuara dhe më pas janë larguar pa u dëgjuar nga asnjë prej fqinjëve.
Burime nga policia e Tiranës bëjnë me dije se po mbahen në vëzhgim disa banorë të fshatit që dyshohet se grabitën të moshuarën dhe më pas e lidhën atë duke i shkaktuar vdekjen.
Pavarësisht se shoqëroi rreth 20 persona të dyshuar për ngjarjen, policia i liroi më pas ata, por disa prej tyre po mbahen në vëzhgim, ndërkohë që priten të dalin provat edhe për gjurmët e gishtave që janë gjetur në dhomën ku jetonte Fatime Hida.
Krimi makabër ndodhi më datën 5 mars. Pasi hynë në banesë autorët e lidhën nga këmbët dhe nga duart të moshuarën që jetonte e vetme, më pas i vendosën një rrobë në gojë dhe e mbuluan me nje qese plasmasi kokën. Pikërisht mosmarrja normalisht frymë i ka shkaktuar edhe vdekjen të moshuarës. Kjo ishte hera e dytë që 74-vjeçarja grabitej, pasi rreth dy vite më parë, asajt i ishin marrë rreth 250 mijë lekë të reja. Edhe në atë rast ajo ishte dhunuar.
Fatime Hida jetonte në kushte të vështira në një banesë 1-katëshe thuaje të shkatërruar, në një dhomë të vogël, pasi pjesa tjetër e banesës ka qenë e pabanueshme. Në atë dhomë ajo gatuante, flinte dhe mblidhte qumështin e bagëtive. Të ardhurat i siguronte nga pensioni dhe nga shitja e disa bagëtive. Të afërmit thonë se lekët nuk i çonte në bankë, por i ruante në shtëpi.
