Zëvendëskryetari i LSI-së, njëkohësisht kreu i grupit parlamentar, Petrit Vasili reagoi në lidhje me koncertin e Filarmonisë së Vjenës në Tiranë.
Vasili deklaron se orkestra e RTSH-së mund ta bëjë që Koncerti i Vjenës të flasë shqip.
“Orkestra e RTSH formacion muzikor dinjitoz. Danubin blu shqiptarët e kanë dëgjuar falë kësaj orkestre. Shkëlzen Doli dhe orkestra e RTSH e sjellin Vjenën në Tiranë. Qeleshet rrinë më mirë në kokën e shqiptarëve.
Shqiptaret e pinë më mirë edhe rakinë me fund”, shprehet Vasili.
Duke ditur se në LSI nuk lëviz asgjë pa urdhrin e Ilir Metës, komenti “personal” i Vasilit ngjan më tepër si një qëndrim partie. Nëse do të ishte kështu, do të kishim një risi në politikën shqiptare: Rastin kur partitë i bëjnë presion njëra-tjetrës edhe me koncertet e Vitit të Ri.
