Nënkryetari i LSI-së, Petrit Vasili, shpjegoi para gazetarëve arsyen e përjashtimit të deputetit Përparim Spahiu nga radhët e grupit parlamentar.
Vasili përsëriti që bëhej fjalë për një qëndrim personal të përsëritur, i cili binte ndeshe me vendimet e LSI.
Më parë, Spahiu ishte shprehur kundër vettingut të ndërkombëtarëve në lidhje me Reformën në Drejtësi.
“Grupi parlamentar i LSI ka vendosur përjashtimin e deputetit Përparim Spahiu si anëtar i grupit, për shkak të qëndrimeve personale, të përsëritura, që nuk janë në pajtim me vendimet e Lëvizjes Sociliste për Integrim dhe të grupit të saj parlamentar”, deklaroi Vasili.
“Qëndrimi publik personal i Spahiut u vlerësua si i nxituar dhe i gabuar, në kundërshtim me qëndrimin e LSI për Reformën në Drejtësi”.
Vasili sqaroi më tej se qëndrimi i LSI-së në lidhje me Reformën nuk ka ndryshuar.
“LSI vlerëson rëndësinë e jashtëzakonshme të Reformës në Drejtësi, jo vetëm për garantimin e shtetit ligjor dhe ecurinë e integrimit evropian, por edhe në lidhje me forcimin e sigurisë kombëtare dhe në rajon. LSI do të vazhdojë të punojë për miratimin e Reformës, sipas standardeve të vendosur, larg emocioneve e llogarive afatshkurtra partiake e personale”.
Lidhur me nismën e deputetëve të PS për zgjedhjen e presidentit nga populli, Vasili tha se në parim ai është dakord, por ngriti pyetjen se çfarë kompetencash to të ketë ai në një republikë parlamentare si Shqipëria.
d.i.
