Kreu i grupit parlamentar të LSI, Petrit Vasili, ka reaguar lidhur lajmin që qarkulloi dje në media që Hollanda kërkon heqjen e vizave për shqiptarët.
Përmes një statusi në facebook Vasili pyet kryeministrin Edi Rama se ku është, pasi po na hiqen vizat.
Gjithashtu Valisi thotë se “Paralajmërimet nga Europa kanë qenë pa fund, por shurdhëria dhe paaftësia kriminale e kryeministrit ka qenë fatale”.
Mes të tjerash Vasili shtoi se “Europa i vuri një zero të madhe delirit me timon e me tepsi’.
Postimi i Vasilit
Po hiqen vizat, kryeministër ku je ?!
Heqja e vizave për shqiptarët, një nga arritjet më madhore të pluralizmit, rrezikon të zhbëhet.
Ishte kjo arritje që çliroi shqiptarët nga poshtërimi në dyert e ambasadave dhe shembi izolimin e turpshëm dhe trajtimin tonë si qytetarë të dorës së tretë.
Paralajmërimet nga Europa kanë qenë pa fund, por shurdhëria dhe paaftësia kriminale e kryeministrit ka qenë fatale.
Në fund të fundit ai punët….e tija i ka fjollë, pavarësisht se qindra mijëra shqiptarë vuajnë skamjen e papunësisë dhe varfërisë.
Kryeministri ynë nuk ka veshë, por ka vetëm stomak dhe të madh madje.
Europa i vuri një zero të madhe delirit me timon e me tepsi.
Ç’ taksirat ka populli të vuajë deliret dhe paranojat e një shkollëpakti, llafazan të pashërueshëm?
a.ç
