Një 49-vjeçar i dënuar për vrasje me dashje, i ka dhënë fund jetës duke u vetëvarur në qelinë e tij në burgun e Peqinit. Sipas informacioneve zyrtare, Fatmir Myftari ishte dënuar me 20 vjet burg por i kishin mbetur edhe 6 vjet e 3 muaj për të vuajtur.
Sipas Drejtorisë së Burgjeve ai nuk kishte patur kontakte me familjarët dhe kishte paraqitur probleme të shëndetit mendor.
“Fatmir Myftari kishte probleme të shëndetit mendor. Ai kishte paraqitur çrregullime personaliteti e përshtatje dhe ndodhej në Sektorin e Kujdesit të Veçantë por qëndronte i vetëm në dhomë”, deklarojnë nga Drejtoria e Burgjeve.
Madje autoritetet e burgut janë përpjekur të rivendosin kontaktet me familjen por nuk ka qenë e mundur.
BW/d.i.
