Analisti Lorenc Vangjeli ka deklaruar në emisionin “Trialog” se ish-presidenti i Kosovës, Hashim Thaçi, dhe ish-krerët e tjerë të Ushtrisë Çlirimtare të Kosovës pritet të shpallen të pafajshëm dhe të lirohen shumë shpejt.
Sipas Vangjelit, lirimi i tyre pritet tw ndodhw brenda pak javwsh.
“Kam një bindje, çështje javësh ata njerëz do të jenë në fillim në Prishtinë dhe më pas në Tiranë ku do të priten ashtu siç ka qenë asokohe, si heronj. Ata do të fitojnë pafajësinë, nuk do ja dhurojë njeri, do i japin atë që i takon. Punë javësh, jo shumë muajsh. Do t’i kemi në Prishtinë dhe do t’i kemi edhe në Tiranë”, tha analisti Vangjeli.
Ish-presidenti i Kosovës Hashim Thaçi dhe ish-liderët e tjerë të UÇK-së ndodhen në Hagë, nën akuza për krime lufte. Ndërsa gjyqi për ta po vjen drejt fundit, vetë Thaçi dhe ish-liderët e tjerë do të flasin nesër (18 shkurt) në Hagë.
