Një negociatë në vitin 2018 mes Jonathan Moore dhe Sali Berishës në zyrën e këtij të fundit, duket se është zbardhur ditët e fundit.
Bëhet fjalë për takimin mes zyrtarit të lartë amerikan me Berishën teksa PD drejtohej nga Lulzim Basha.
Analisti Lorenc Vangjeli zbuloi në ‘Kontrast’ se Moore ka kërkuar mbështetjen e zonjës Rudina Hajdari për të marrë drejtimin e Partisë Demokratike.
“Është më mirë të bësh një veprim të duhur në kohën e gabuar. Nëse dje doktori do të ndërhynte me autoritetin e tij në mes të mandatit të lidershipit të PD do të ishte e gabuar. Ka shumë mister sidomos në mandatin e dytë të opozitës së PD 2017-2021.
Nëse nuk kuptohen të pavërtetat fantastike dhe gënjeshtrat kolosale, saqë kanë arritur t’i besojnë edhe ata që I kanë shpikur, nuk do të kuptohet se çfarë ndodh nesër në 6 mars. Lulzim Basha u zu peng me historinë e lobimit që mendohej se ishin para ruse.
Në fakt ishin para të pista të nisura nga Shqipëria. Gënjeshtra u kushtëzuar në atë mënyrë sa fakti i parave të pista të nisura nga Tirana atje mori një ngarkesë krejt ndryshe. Mund të kishte probleme shumë herë më të mëdha. Ka edhe një episode të dytë. Ju kam thënë se zoti Berisha do të përmendë një emër shumë shpejt dhe ai e bëri dje. Përmendi Jonathan Moore.
Ka qenë i vatmi takim kokë më kokë, të tjerat kanë qenë më dëshmitarë. Ndër të tjera në këtë bisedë, doktorit i është kërkuar që me autoritetin e tij të ndërhynte në lidershipin e PD. Aty është përmendur edhe emri i zonjës Rudina Hajdari. Dje Berisha e pranoi në heshtje se ajo ishte…” – tha Vangjeli për Report TV.
Ndërkohë që Rudina Hajdari e kontaktuar nga Report Tv ka thënë se nuk ka koment.
/a.r
