Prezenca e kryeministrit Edi Rama në studion e emisionit “JAVA” në RTSH është shoqëruar edhe me debate mes këtij të fundit dhe analistit Lorenc Vangjeli.
Duke e pyetur se cilët janë ‘kadrinjtë’ që kreu i mazhorancës etiketon gazetarët, kryeministri sqaroi se bëhet fjalë për një komentues me këtë emër.
Por Vangjeli, duke i kujtuar ‘kazanin’ tha:
“Keni një marrëdhënie të ndërlikuar me mediat. Pak a shumë një stil si i Trumpit. Viheni herë pas herë me dëshirë të madhë përballë gazetarëve” – tha Vangjeli duke u shprehur se Kryeministri i kundërshton ata për çështje individuale dhe jo për idetë që kanë.
Sipas Vangjelit, Rama i ka hyrë një beteje personale me tre kolegë.
Por shefi i qeverisë tha: “Ata për të cilët ti i referohesh nuk kanë ide. Sa për Trump, unë kam qenë para tij përballë gazetarëve. Megjithatë bëhet fjalë për një konspiracion “kadri’…”.