JD Vance hyn drejtpërdrejt në çështjen e kritikave të pakontrolluara të Donald Trump ndaj Papa Leonit. Zëvendëspresidenti amerikan, në vend që të shuajë polemikat e forta, ka ndërhyrë duke rrezikuar thellimin e përplasjes mes Shtëpisë së Bardhë dhe botës katolike. Sipas Vance, në fakt, Vatikani duhet “të përqendrohet te çështjet morale”.
“Mendoj se, në disa raste, do të ishte më mirë që Vatikani të përqendrohej te çështjet morale, shtoi zëvendëspresidenti amerikan dhe t’ia linte presidentit të Shteteve të Bashkuara përcaktimin e politikave publike amerikane”, sqaroi Vance, i cili është kthyer në fenë katolike në moshë madhore, duke folur në emisionin “Special Report with Bret Baier” në Fox News.
Papa Leoni, nga Algjeria ku ndodhet për një vizitë, iu përgjigj kritikave të ashpra me elegancë, por edhe me vendosmëri: Jo, nuk kam frikë nga administrata Trump dhe as nga shpallja me zë të lartë e mesazhit të Ungjillit, që është ajo që besoj se duhet të bëj këtu, ajo për të cilën është Kisha. Ne nuk jemi politikanë, nuk po përpiqemi të bëjmë “politikë të jashtme”, siç do ta përkufizonte ai, me të njëjtin këndvështrim që ai synon. Por besoj se mesazhi i Ungjillit, “lum ata që bëjnë paqe”, është ajo për të cilën ka nevojë bota sot.
“Unë nuk jam politikan dhe nuk kam ndërmend të hyj në një debat me të (Trump). Mesazhi im, përkundrazi, është gjithmonë i njëjtë: të promovoj paqen. Dhe këtë ua them të gjithë udhëheqësve të botës, jo vetëm atij». Përkundrazi, «nuk mendoj se mesazhi i Ungjillit duhet të keqpërdoret siç po bëjnë disa”, sqaroi ai:
Papa vazhdoi më tej duke thënë se: Unë vazhdoj të flas me zë të lartë kundër luftës, duke u përpjekur të promovoj paqen, dialogun dhe multilateralizmin mes shteteve për të gjetur zgjidhje për problemet. Shumë njerëz po vuajnë sot, shumë të pafajshëm janë vrarë dhe besoj se dikush duhet të ngrihet dhe të thotë se ekziston një rrugë më e mirë.
