Agjencia Evropiane e Barnave (EMA) nuk do të jetë në gjendje të autorizojë në janar tregtimin e vaksinës kundër koronavirusit të zhvilluar nga laboratori AstraZeneca dhe Universiteti i Oxford, tha të martën zëvendës drejtori ekzekutiv i saj Nowl Wathion.
“Ata madje nuk kanë paraqitur ende një kërkesë,” tha ai në një intervistë të botuar nga e përditshmja belge Het Nieuwsblad.
Deri më sot, shton ai, agjencia evropiane ka marrë vetëm disa informacione të caktuara rreth vaksinës. “Ne kemi nevojë për më shumë të dhëna për cilësinë e vaksinës. Dhe atëherë kompania do të duhet të paraqesë një kërkesë zyrtare “.
Në këto kushte, vazhdon ai, është “e pamundur” që Agjencia Evropiane e Barnave të jetë në gjendje të autorizojë këtë vaksinë kandidate kundër koronavirusit muajin tjetër.
Deri më sot, vetëm vaksina e zhvilluar nga Pfizer dhe BioNTech është vërtetuar nga agjencia Evropiane dhe fushatat e vaksinimit filluan këtë fundjavë në territorin e Bashkimit Evropian.
Përveç Pfizer / BioNTech, Shtetet e Bashkuara dhe Kanada kanë miratuar gjithashtu vaksinën e zhvilluar nga Moderna.
/a.r
