Një vajzë franceze dy vjeçare ra nga tarraca e një lokali në Piazzale Michelangelo në Firence.
E vogla, e cila ra nga një lartësi prej 3 metrash, pësoi një dëmtim në kokë dhe tani është shtruar në spitalin pediatrik Meyer të Firences, ku fatmirësisht është jashtë rrezikut për jetën.
Incidenti në të cilin u përfshi vogëlushja franceze ndodhi pasditen e djeshme, rreth orës pesë.
Sipas rindërtimit të ngjarjes nga dëshmia e një çifti gjerman i cili ndodhej brenda në lokal, vajza e vogël ishte duke luajtur me vëllain e saj 4 vjeç pranë kangjellave të tarracës së lokalit, shkruan noa. Prindërit e tyre ishin ulur në një tavolinë dhe i kanë thirrur fëmijët që të afroheshin pranë tyre për të bërë një fotografi familjare.
Vajza e vogël kur u ngrit, humbi ekuilibrin e saj dhe ra duke rënë në rrugë pas një fluturimi prej rreth tre metra.
Menjëherë është thirrur ambulanca dhe policia e cila ka sekuestruar të gjithë tarracën ku rrëshqiti vogëlushja dhe po heton mbi ngjarjen/a.k
