Presidenti Bujar Nishani po tenton nje krim kushtetues. Po kerkon ti heq gurin e themelit pushtetit te ri gjyqesor ne kete vend. I kapur pas nje afati te cilin, Sali Berisha dhe Lulzim Basha e dogjen qellimisht qysh kur refuzuan miratimin bashke me Kushtetuten e re edhe te 7 ligjeve prioritare ne zbatim te saj, Bujar Nishani po kerkon te krijoje Keshillin e Emerimeve ne Drejtesi duke shmangur teresisht procesin e “rivleresimit kalimtar”-wetingun, per te pakten 9-te gjykatese prokurore qe do te jene anetare te tij.
Bujar Nishani prej ditesh thote se do te zbatoje Kushtetuten, por njeren pike te saj, vetem ate qe thote se brenda 5 ditesh nga hyrja ne fuqi e ligjit, zgjedh me short anetaret e KED, shkruan skandal.al.
Nderkohe ne fund te ketij paragrafi, Kushtetuta thote qarte se “Anëtarët e Këshillit të Emërimeve në Drejtësi i nënshtrohen, pa vonesë, procesit të vlerësimi kalimtar të kualifikimit për gjyqtarë dhe prokurorë sipas Nenit 179/b te ketij ligji”.
Presidenti Bujari Nishani as qe e permend kete. Ligji per “wetingun” eshte bllokuar ne Kuvend nga Sali Berisha e Lulzim Basha. Pikerisht kete po shfrytezon Presidenti Bujar Nishani. Duke u mbeshtetur fort tek afati 5 ditor qe ka percaktuar Kushtetuta, Bujar Nishani synon qe menjehere pasi ligji hyn ne fuqi-11 gusht, te nise procesin e zgjedhjes me short te anetareve te KED, pa verifikuar-rivleresuar figuren e tyre edhe pse ata jane gjykates dhe prokurore ne sistem. Por mbi te gjitha edhe pse Kushtetuta thote qarte se pa vonese ata duhet ti nenshtrohen procesit te rivleresimit.
Dite me pare, Presidenti Bujar Nishani ju drejtua Kuvendit dhe Kuvendi ju pergjigj duke i sugjeruar pritjen e miratimit te ligjit perkates ne Kuvend.
Por Bujar Nishani insiton. Arsye tek ai nuk funksionon. Bujar Nishani eshte edukuar dhe funksionon vetem mbi urdhra. Ai ka marre urdher ta demtoje kete proces dhe deri ne nje urdher te dyte, ai do ti shkoje deri ne fund zbatimit te urdhrit te pare. Gjithcka eshte e miremenduar. Sali Berisha e Lulzim Basha, refuzuan miratimin e ligjeve prioritare ne funksion te Kushtetutes ne baze te precedentit “dekriminalizimi”, pikerisht duke menduar kete qe po konsumohet, raporton skandal.al.
Pa “wetingun” e Keshillit te Emerimeve ne Drejtesi, reforma merr nje goditje te forte.
* Per cilindo lexues ne po japim te plote dy nenet e Kushtetutes, te cilet, detyrojne “wetingun” dhe kritere te ligjore per cdo kandidat per anetar i Keshillit te Emerimeve ne Drejtesi
Neni 45/ ligji qe ndryshoi Kushtetuten
Neni 179 ndryshohet si vijon:
Neni 179
12. Presidenti i Republikës, brenda pesë ditëve nga hyrja në fuqi e këtij ligji, përzgjedh me short dy gjyqtarë të Gjykatës Kushtetuese, një gjyqtar të Gjykatës së Lartë, një prokuror nga Prokuroria e Përgjithshme, dy gjyqtarë dhe dy prokurorë pranë gjykatave të apelit dhe një gjyqtar nga gjykatat administrative ndaj të cilëve nuk është dhënë masë disiplinore ose administrative. Nëse Presidenti i Republikës nuk përzgjedh brenda pesë ditëve nga hyrja në fuqi e këtij ligji, Kryetari i Kuvendit përzgjedh me short anëtarët brenda dhjetë ditëve nga hyrja në fuqi e këtij ligji. Të zgjedhurit qëndrojnë në detyrë deri në datën 31 dhjetor të vitit kur hyn në fuqi ky ligj. Avokati i Popullit merr pjesë si vëzhgues në procedurën e hedhjes së shortit si dhe në mbledhjet dhe veprimtarinë e Këshillit të Emërimeve në Drejtësi. Anëtarët e
Këshillit të Emërimeve në Drejtësi i nënshtrohen, pa vonesë, procesit të vlerësimit
kalimtar të kualifikimit për gjyqtarë dhe prokurorë sipas Nenit 179/b te ketij ligji.
Neni 44/ ligji qe ndryshoi Kushtetuten
Pas Nenit 149/ç shtohet Neni 149/d, me këtë përmbajtje:
Neni 149/d
1. Këshilli i Emërimeve në Drejtësi kryen verifikimin e kushteve dhe kritereve ligjore, profesionale dhe morale të kandidatëve jo gjyqtarë për anëtarë të Këshillit të Lartë Gjyqësor, kandidatëve jo prokurorë për anëtarë të Këshillit të Lartë të Prokurorisë, kandidatëve për Inspektor të Lartë të Drejtësisë, si dhe të kandidatëve për anëtarë të Gjykatës Kushtetuese. Këshilli i Emërimeve në Drejtësi shqyrton dhe rendit kandidatët. Renditja e kandidatëve nuk është e detyrueshme me përjashtim të rastit kur Kuvendi nuk arrin të emërojë kandidatin.
2. Këshilli i Emërimeve në Drejtësi mblidhet sa herë është e nevojshme.
3. Këshilli i Emërimeve në Drejtësi përbëhet nga nëntë anëtarë të përzgjedhur me short, nga radhët e gjyqtarëve dhe prokurorëve, ndaj të cilëve nuk është dhënë masë disiplinore. Ata ushtrojnë detyrën me mandat një vjeçar, që fillon në datën një janar të çdo viti kalendarik. Presidenti i Republikës përzgjedh me short, midis një dhe pesë dhjetorit të çdo viti kalendarik, dy gjyqtarë të Gjykatës Kushtetuese, një gjyqtar të Gjykatës së Lartë, një prokuror nga Prokuroria e Përgjithshme, dy gjyqtarë dhe dy prokurorë pranë gjykatave të apelit dhe një gjyqtar nga gjykatat administrative.66
Nëse Presidenti i Republikës nuk arrin të përzgjedhë deri në datën pesë dhjetor, Kryetari i Kuvendit përzgjedh me short anëtarët përpara datës dhjetë dhjetor të atij viti kalendarit. Avokati i Popullit merr pjesë si vëzhgues në procedurën e hedhjes së shortit si dhe në mbledhjet dhe veprimtarinë e Këshillit të Emërimeve në Drejtësi.
4. Kryetar i Këshillit të Emërimeve në Drejtësi është anëtari i Gjykatës së Lartë. Gjykata e Lartë krijon kushtet e punës për ushtrimin e veprimtarisë së Këshillit të Emërimeve në Drejtësi.
5. Kritere të tjera të kualifikimit të kandidatëve që marrin pjesë në short parashikohen në ligj. Organizimi dhe funksionimi i Këshillit të Emërimeve në Drejtësi rregullohet me ligj.
