Vajza 5 vjeçare shpëton nënën dhe vëllanë nga vdekja
Një vajzë e vogël kanadeze me emrin Lexi, ndonëse vetëm 5 vjeçe është kthyer në një heroinë të vërtetë.
Vogëlushja shpëtoi nga vdekja e sigurtë nënën Angela Shymanski dhe vëllanë Peter para dy muajsh, duke lajmëruar ndihmën e shpejtë pas një aksidenti rrugor.
Aksidenti ndodhi në Prince George të Kanadasë dhe siç raporton “Mirror”, gruaja dhe dy fëmijët po ktheheshin në shtëpi tek babi Travis, pas disa ditë pushimesh.
Sipas hetimeve, Angelën e zuri gjumi në timon duke u përplasur me një pemë, ndërsa gjysma e mjetit qëndronte në ajër buzë një gremine. Vogëlushja 5 vjeçare, duke parë se nëna ishte pa ndjenja zbriti nga makina dhe u ngjit nga rrëpira ku kishte përfunduar mjeti rreth 12 metër më poshtë.
Ajo doli në rrugë dhe ndaloi makinën e një çifti për t’ju kërkuar ndihmë. Vogëlushi Peter, vëllai i Lexi operohet me urgjencë për shkak të një hemorragjie cerebrale,, ndërsa nëna Angela kishte pësuar hemorragji të brendshme. Sipas mjekëve nëse do kishte vonuar dhënia e ndihmës, dy familjarët e vogëlushes Lexi nuk do jetonin më
