Itali, 55-vjeçari shqiptar tenton vetëvrasjen në aeroportin Fiumiçino
Një 55-vjeçar shqiptar ka tentuar të vetëvritet sot në autostradën që të çon në aeroportin e Fiumiçinos në Romë. Sipas mediave italiane, 55-vjeçari shqiptar, i cili jeton në Francë, ka hipur në një nga tabelat e rrugës dhe ka tentuar të hidhet prej andej, nga një lartësi më shumë se 10 metrash.
Mediat italiane shkruajnë se shqiptari është i divorcuar dhe se ishbashkëshortja e tij nuk e lejonte që të shihte fëmijët. Menjëherë në vendngjarje mbërritën zjarrfikësit dhe policia, që e bindën pas disa minutash shqiptarin që të hiqte dorë nga tentativa e vetëvrasjes.
Pasi u bind, ai u shoqërua në spital për t’iu nënshtruar testeve mjekësore se mos kishte patur ndonjë dëmtim, apo problem tjetër shëndetësor. Pas testeve mjekësore për të mund të ngrihet një padi për prishje të qetësisë publike. Sipas informacioneve, ai kishte ardhur nga Nica e Francës në Itali për të parë fëmijët, por ishbashkëshortja nuk e kishte lejuar.
