Një 32-vjeçar ka rënë në prangat e Policisë ditën e sotme në Fier, pasi akuzohet se ka goditur një mjek për shkak të detyrës.
Me një njoftim për mediat, Policia bën me dije se 32-vjeçari me inicialet A. K., banues në Fier, në Spitalin Rajonal Fier, në pavionin e patologjisë, ka ushtruar dhunë fizike gjatë ushtrimit të detyrës, ndaj mjekut shtetasit E. H., 38 vjeç.
Për ngjarjen nuk jepen më shumë detaje, ndërsa materialet i kaluan Prokurorisë pranë Gjykatës së Shkallës së Parë Fier për veprën penale “Goditje për shkak të detyrës”./ b.h
