Ushtria turke ka ndaluar personelin e saj të udhëtojnë për në Rusi në ditët e tyre të pushimit. Rregulli i ri, iu dërguar personelit të ushtrisë përmes një shkrese dërguar komandantëve të shërbimit.
Si pjesë e kuadrit ligjor, personeli ushtarak duhet t’i përmbahet disa rregullave që vendos kreu i ushtrisë mbi mënyrën se si ata duhet të bëjnë pushimet e tyre, raporton “Daily Sabah”.
Tani mesa duket, në periudhën që Turqia ka prishur raportet dhe marrëdhëniet janë acaruar me Rusinë, edhe kjo e fundit është përfshirë në rregulloren e ushtrisë turke.
Ministria e Punëve të Jashtme e Turqisë lëshoi një deklaratë në nëntor, duke i këshilluar shtetasit turq të shtyjnë të gjitha udhëtimet jourgjente drejt Rusisë, pas përshkallëzimit të tensioneve mes Moskës dhe Ankarasë rreth çështjes që ngjalli shumë debat e konflikt, rrëzimi i një avioni rus nga Turqia në kufirin me Sirinë muajin e kaluar. Teksa sot, Rusia duket se është hakmarrë, duke qëlluar në anije peshkimi turke në Detin Egje, me pretendimin se ka shmangur një përplasje të mundshme me një luftanije ruse që ndodhej aty. Panorama.al
