Dokumentari për jetën dhe vdekjen e këngëtares britanike Amy Winehouse është nderuar nga Akademia Evropiane e Filmit. “Amy” me regji të Asif Kapadias është shpallur dokumentari më i mirë në “Europian Film Awards”, raporton BBC.
Filmi më i Mirë Evropian shkoi në drejtim të filmit “Youth”, ndërsa aktorja britanike Charlotte Rampling është nderuar për arritjen jetësore, transmeton Koha.net. Ajo gjithashtu ka fituar çmimin për aktoren më të mirë për rolin e saj në dramën “45 Years”, në mbrëmjen e së shtunës, në ceremoninë e mbajtur në Berlin.
Michael Caine ka marrë dy çmime, atij iu dhanë një çmim nderi dhe tjetri për aktorin më të mirë me rolin e tij në “Youth”.
Ndërsa çmimi për regjinë më të mirë i takoi italianit Paolo Sorrentino. Ndërsa për skenarin më të mirë u shpërblye Yorgos Lanthimos, për dramën “The Lobster”, në të cilën luajnë aktorët Colin Farrell dhe Rachel Ëeisz.
Animacioni më i mirë në “Europian Film Awards” është shpallur filmi irlandez “Song of the Sea”.
