Trupat e ushtrisë serbe kanë mbërritur në Moskë. Lajmi mësohet përmes fotove të botuara në rrjetet sociale nga vetë ushtarët e Serbisë, ndërkohë që ata do të marrin pjesë në paradën e 9 Majit.
Mediat ruse kanë njoftuar sot se ushtarët serbë janë pritur në Moskë nga përfaqësues të lartë të ushtrisë vendase, ndërsa në aeroport ata kanë hasur në parrullën gjigande: Mirësevini vellezër!
9 Maji pritet të festohet në Moskë në kuadër të 70-vjetorit të çlirimit dhe njihet si Dita e Fitores.
Në paradën tradicionale të Moskës marrin pjesë qindra personalitete nga e gjithë bota, ndërkohë që këtë vit shumë vende perëndimore do ta bojkotojnë për shkak të konfliktit mes Rusisë dhe Ukrainës.
Edhe Shqipëria përmes MPJ ka konfirmuar se e ka refuzuar ftesën për të qenë prezente në Sheshin e Kuq më 9 maj të këtij viti.
