Zbardhet incidenti i ndodhur në Laboratorin Kimik të Forcave të Armatosura, ku në proces pune e sipër u plagos ushtarakja Brunilda Sallaku.
Burime për “Panorama” bëjnë me dije se Sallaku ka qenë duke punuar dhe është çarë me enën e qelqit.
Ndërkohë që në media qarkulloi lajmi se ajo ishte lënduar rëndë dhe kishte kërkuar mjekim jashtë vendit, burime nga Ministria e Mbrojtjes, sqarojnë për “Panorama” se ajo ka pasur dëmtime shumë të lehta.
“Në datën 9 dhjetor, në ambjetet e Laboratorit Kimik të FA-ve është thyer ena prej qelqi me kimikate me të cilën po punonte ushtarakja, Brunilda Sallaku, e cila ka patur vetëm disa dëmtime shumë të lehta. I është dhënë ndihma e parë në vend dhe menjëherë është transportuar në spital ku ka marrë githë ndihmën e nevojshme. Aktualisht është jashtë spitalit, pa asnjë shenjë dhe s’ka kërkuar asnjë moment të trajtohet jashtë Shqipërisë sepse dëmtimi ka qenë shumë i lehtë”- sqarojnë burimet.
Ngjarja ka ndodhur në datën 9 dhjetor, gjatë procesit të asgjesimit të disa kimikateve të rrezikshme./a.m.
