Drejtori i Përgjitshëm për Sigurinë në Policinë e Shtetit Altin Qato gjatë një konference për mediat prezantoi planin e masave të uniformave blu për përballimin e festave të fundvitit. Sipas tij policia ka kaluar në shërbim të përforcuar prej ditës së sotme. Ndërkohë, Qato u pyet nga gazetarët në lidhje me operacionin policor për prangosjen e të kërkuarit për trafik droge nga autoritetet greke, shtetasin Klement Balili.
“Do të kërkojmë arrestimin jo vetëm të Klement Balilit, por të gjithë personave të shpallur në kërkim”, deklaroi Qato.
Ndërkohë, ai paralajmëroi arresime edhe për grabitjen e bankës ndodhur në Tiranë, dhe ngjarjet n ë Fier dhe Korçë.
“Kemi hartuar një plan. Është bërë një përforcim i masave për kontrollin e territorit. Ka një ulje të veprave penale, por numri është më i ulët se një vit më parë. Për ngjarjen në Tiranë dhe Fier shumë shpejt do të japim emrat dhe arrestimin e autorëve”, tha Qato./a.m.
