Televizioni A1 Report në bashkëpunimin me Institutin Italian Piepoli, i njohur ne Itali si qendra me e vjetër dhe profesionale e sondazheve sjell për publikun shqiptar rezultatet e para mbi pritshmërinë për zgjedhjet vendore te 21 qershorit.
Janë anketuar në rang vendi 800 persona të cilët janë pyetur se cili është vlerësimi i shqiptarëve për qeverinë dy vjet pas zgjedhjeve? Çfarë mendojnë për Edi Ramën, Ilir Metën, Lulzim Bashën dhe Sali Berishën? Ndërsa ne Tirane janë anketuar 500 persona të cilët janë pyetur se për cilin kandidat do të hedhin votën me 21 qershor.
Sondazhi:Nëse zgjedhjet do ishin sot, e majta fiton me 58.5%
Duke bërë edhe një krahasim me zgjedhjet e 2013-s sondazhet e Institutin Italian Piepoli nxjerrin si fitues të majtët me 58.5 %, ndërsa të djathtët do të merrnin 39.5 %.
E ndërsa sipas sondazhit mbështetja për koalicionin e majtë ka rënë me 0.8 % krahasuar me vitin 2013, e djathta ka mbetur në po të njëjtat shifra.
Një tjetër gjë që bie nlë sy lështl edhe fakti i rritjes në % për PS dhe PD me 1.5% dhe 2,4 %, pavarësisht votave që parashikohen të marrin si koalicion.
Besimi te liderët, sondazhet: I pari Rama, i dyti Meta, Basha ia kalon Berishës
Kryeministri Rama është lideri ku kanë besim pjesa më e madhe pas qytetarëve shqiptarë, të cilët janë pyetur për të 4 emrat. Pas Ramës renditet Meta, por ajo që bie në sy është edhe rrokada pas kryesisë së PD edhe në Sondazh, ku Basha ka dalë para Berishës.
Pëlqimi si lider, Sondazhi: Rama 28 pikë para Bashës
Një tjetër pikë ku është ndalur Institutin Italian Piepoli gjatë sondazhit në Shqipëri është edhe vlerësimi për kreun e qeverisë dhe të opozitës, ku dukshëm Rama ka më tepër vlerësime.
Sondazhi i Piepoli: 46 % e të anketuarve Basha punë të dobët në krye të PD
46 % e të anketuarve të Institutit Italian Piepoli e kanë vlerësuar si të dobët punën e Bashës në krye të opozitës, 28 % e kanë vlerësuar si të mjaftueshme, ndërsa vetëm 23 % prej tyre e kanë vlerësuar si të mirë. Ndërsa 3 % e të anketuarve nuk kanë dhënë opinion.
Figura e dobët e liderit të opozitës sipas këtyre sondazheve Armand Mero e lidhi edhe me luftën e brendshme brenda PD-së
Sondazhi:51% e shqiptarëve vlerësojnë punën e Ramës
Pyetja e parë të cilës i janë përgjigjur të anketuarit e Institutin Italian Piepoli ka qenë vlerësimi për punën e bërë nga kryeministri Rama në këto 18 muaj qeverisje.
51 % e të anketuarve e kanë vlerësuar si një punë të mirë, 23 % mjaftueshëm, 26 % si punë të dobët.
Rezultati i kësaj pyetje ka shkaktuar debat në studion e A1 Report, ku është vlerësuar si tepër e lartë për një qeveri, por për Roberto Baldassarin kjo është një situatë normale pas zgjedhjeje
