Gazment Bardhi ka folur sot në cilësinë e kreut të Grupit Parlamentar Demokrat. Edhe pse kritik me SPAK, ai tha se të gjithë duhet të jenë të barabartë para ligjit, përfshirë edhe Sali Berishën.
Para mediave ai shtoi se SPAK duhet të kërkonte autorizim në Kuvend për masën e sigurisë ndaj Berishës. Por kreu i Grupit të PD shtoi se në një rast të tillë do të votonte pro kërkesës së SPAK për kreun e Rithemelimit.
“Personalisht mbështes pa asnjë rezervë barazinë para ligjit. Në një vend demokratik duhet të ketë zero imunitet për deputetët. Mirëpo Kushtetua ka ofruar disa garanci shtesë. Prokurori duhet të kërkojë autorizim nga Kuvendi për çdo masë sigurie. Kufizimi i lirisë së zotit Berisha ngre shumë pikëpyetje. Personalisht do të votoj në favor të organeve të drejtësisë pasi askush nuk mund të qëndrojë mbi ligjin apo mbi votuesit tanë” – tha Bardhi.
javanews /a.r
