Një urdhër i Kryeministrit Edi Rama ndalon përdorimin e fondeve të administratës në interes të zgjedhjeve. Lajmi bëhet i ditur nga Top Channel, i cili ka në zotërim kopjen e një dokumenti përmes së cilit Rama kërkon marrjen e masave të nevojshme për zbatimin e Kodit Zgjedhor.
Ky i fundit parashikon ndalimin e vënies në përdorim të subjekteve zgjedhore të mjeteve, fondeve dhe materialeve të ndryshme, pronë e administratës publike të çdo niveli.
Brenda këij urdhri, dhe më konkretisht në pikën 3, thuhet se gjatë periudhës së fushatës, automjetet shtetërorë ndalohen të përdoren për veprimtari të fushatës zgjedhore.
“Automjetet e Gardës së Republikës dhe Policisë së Shtetit do të përdoren në përmbushje të detyrave të tyre funksionale”, thuhet në urdhër.
Kjo ëhstë hera e parë që administrata përballet me një urdhër të tillë. Shqetësimi për përdorimin e mjeteve logjistike apo fondeve nga administrata në interes të zgjedhjeve, është ngritur disa herë nga prezenca e OSBE/ODIHR që monitoron procesion e fushatës dhe votimit në vend.