Ministrja Nikolla urdhëron drejtoritë rajonale Arsimore: Kujdes nxënësit në fushatë! Mos lejoni presionin nga subjektet politike. Në Shqipëri nuk përbën më lajm që në fushata elektorale të shohësh prezencë të fëmijëve, edhe pse ata nuk kanë mbushur ende moshën për të votuar. Për të parandaluar ngjarje të tilla, Ministrja e Arsimit dhe Sportit Lindita Nikolla firmosur një urdhër përmes të cilit, të gjithë mësuesit duhet të mbajnë përgjegjësi nëse cënohet procesi i mësimit. Urdhri i është përcjellë të gjitha Drejtorive Rajonale Arsimore. Në të kërkohet që të denoncohet nga stafi, çdo lloj presioni që mund të vijë nga partitë politike, për të marrë grup nxënësish në takime për fushatën zgjedhore. Urdheri i ministres së Arsimit dhe Sportit vjen për të shmangur abuzimet gjatë fushatës zgjedhore.
