Përfaqësuesi Special i Sekretarit të Përgjithshëm dhe shefi i UNMIK-ut, Zahir Tanin, ka dënuar incidentin me të shtëna në fshatin Gorazhdec në Komunën e Pejës që ndodhi të hënën në mëngjes. “E dënoj fuqishëm këtë sulm të rëndë, i cili ka dëmtuar pronën dhe një monument. Incidentet e tilla janë ndjerë nga i gjithë komuniteti serb i Kosovës dhe si të tilla rrezikojnë të minojnë besimin në sigurinë dhe marrëdhëniet e përgjithshme të komuniteteve”, tha Tanin. Shefi i UNMIK-ut i bën thirrje autoriteteve të hetojnë shpejt këto incidente dhe të sjellin autorët para drejtësisë.
