Në Gjykatën e Krimeve të rënda po zhvillohet seanca gjyqësore ndaj grupit të Emiliano Shullazit lidhur me kërcënimet ndaj rektorit të Universitetit të Tiranës Mynyr Koni. Gjatë ditës së sotme në gjyq u paraqitën për të dëshmuar pikërisht rektori Koni, paraardhësi i tij Dhori Kule, ish-kreu i Policisë së Tiranës Ervin Hodaj, si dhe ministrja Lindita Nikolla.
Rektori Koni ka rrëthyer kërcënimin që atij i’u bë nga person që ndodheshin në një makinë të zezë.
“Në momentin e kërcënimit kam qenë para Fakultetit të Shkencave. Më thirrën nga një makinë e zezë. Më thanë që të futesha në makinë. U futa në makinë dhe më kërkuan të hiqja dorë nga gara. U trondita nga çfarë ndodhi, anulova garën zgjedhore. Kontaktova me Dhori Kulen dhe i tregova ngjarjen. Kam paraqitur dhe dorëheqjen pastaj iu riktheva garës”, deklaroi Koni.
Ai po ashtu ka deklaruar në seancë se Ministri i Brendshëm i ka garantuar sigurinë. Ndëkorhë, i pandehuri Emiliano Shullazi i’u drejtua Konit gjatë seancës me fjalët “Unë të kërcënova?”.
Ndërkohë rektori u përgjigj se “nuk mund ta përcaktonte pasi ishte shumë errësirë”.
Koni: Më thërritën nga një makinë e zezë dhe më thanë që të futesha brenda në makinë, U futa brenda, aty më kërkuar që të hiqja dorë nga gara për Rektor. Më pas, sapo dola, mora në telefon Dhori Kulen dhe e njoftova për gjithë sa më kishte ndodhur.
Shullazi: A isha unë mes atyre që të thërritën në makinë
Koni: Ishte shumë errësirë, nuk kujtoj gjë
Shullazi: Po mirë, pse u ndjeve i kërcënuar ti, unë i them 100 herë drejtorit të burgut të japë dorëheqjen, ai nuk ndihet i kërcënuar.
/a.m.
