Cristiano Ronaldo mbush 36 vjeç. Është e vështirë t’i urosh diçka, ashtu siç duhet të jetë shumë e ndërlikuar të vendosësh se çfarë t’i dhurosh. Çfarë mund të dëshirosh më shumë për dikë që ka fituar 5 Champions League, po kaq Topa të Artë, 4 Botërorë për Klube, 7 tituj kampion të fituar në 3 ligat më të rëndësishme europiane (Premier League, La Liga dhe Seria A …, ka shënuar 762 gola në karrierë, duke u përfshirë mes futbollistëve rekordmenë Pelé, Bican dhe Romario. Zgjohet çdo mëngjes pranë Georginës dhe mund t’ia lejojë vetes të dëfrehet me makinë dëbore gjatë bllokimit.
Fjalët për arritjet e CR7 nuk mbarojnë kurrë. Sigurisht që ai ndihet shumë më i ri se 36 vjeç dhe tashmë po bisedon me Juventusin për të zgjatur kontratën. Urimet më të shumta ndoshta janë ato që vijnë nga Spanja, me “As” që analizon dy sezonet e fundit të Realit pa portugezin në organikë: “Los blancos” kanë shënuar (në dy sezonet e fundit) në total 175 gola, ndërsa në dy të mëparshmit, me CR7, (2016 -2017 dhe 2017-2018), arritën shifrën 300 gola (173 + 127).
Në dy sezone e gjysmë me Juventusin, Cristiano ka shënuar 87 gola. Në të parin ai arriti ta çonte topin në rrjetë 28 herë, të dytin e mbylli me 37 finalizime. Në aktualin, më gjysmë të rrugës, ka shënuar 22 herë.
Me pak fjalë, Ronaldo thjesht duhet të mbajë këtë ritëm. Ndoshta mund të fitojë një tjetër “Top të Artë” (për të arritur Messin) ose një tjetër Champions League, për t’u bërë i vetmi, bashkë me Genton (Real Madrid), që e fiton 6 herë trofenë me veshë të mëdhenj.
Golashënuesi më i mirë i Real Madridit në histori Golashënuesi më i mirë i Portugalisë në histori Golashënuesi më i mirë i Ligës së Kampioneve në histori Golashënuesi më i mirë i historisë së futbollit Lojtari i sezonit në Premier League Lojtari i sezonit në Champions League Lojtari i sezonit në Serie A
Pesë herë fitues i Champions League
Pesë herë fituesi i “Topit të Artë”
Katër herë fitues i “Këpucës së Artë”
“Unë, më i miri? Varet nga shija e njerëzve. Personalisht mendoj se jam numri 1 në histori. Për disa fansa, numri 1. Për të tjerët, numri 2, por nuk ka rëndësi. E di që jam në historinë e futbollit si një nga më të mëdhenjtë e të gjitha kohërave”. 5 gola me Sporting 118 gola me Manchester United 450 gola me Real Madridin 87 gola me Juventusin
