Doktoreshë Silva Bino tha se rasti i mjekut Pëllumb Pipero nuk është rasti që lidhet me reaksione negative të vaksinës.
Bino sqaron se: Unë e binda Piperon për të kryer tamponin, por nuk kemi të bëjmë me një efekt anësor, kemi të bëjmë me një infektim, jo efekt anësor. Se ndryshe kryhet investigimi për efektet anësore.
Efektet anësore lidhen me temperaturë, dobësi, etj por kryhet hetimi, dhe nuk ka qenë ky rasti. Nuk kemi të bëjmë me një vaksinë për të cilën kemi dyshime, këtu s’ka lidhje vaksina me infeksionin.
Si mund të infektohesh kur ke bërë vaksinën?
Bino: Pfizer vetë kërkon që dozën e dytë ta japësh pas 3 javësh, në mënyrë që të jenë krijuar antitrupat. Por jo të gjithë njerëzit reagojnë njësoj.
