Për herë të parë rrugët në Tiranë po ndërtohet sipas gjitha standardeve bashkëkohore, duke respektuar të gjitha kërkesat jo vetëm sa i përket cilësisë së punimeve por edhe korsive të dedikuara për biçikletat apo edhe trotuaret për të verbrit.
Kështu, nëse keni parë në trotuarin e unazës së vogël që po ndërtohet një shirit pllakash te verdha, ato kanë pikërisht funksionin për të shërbyer njerëzve që nuk shikojnë. Kjo si përmbushje e një detyrimi jo vetëm ligjor por edhe moral ndaj kësaj kategorie sociale.
Këtë element e bënë të ditur edhe vet kryetari i Bashkisë së Tiranës, Erion Veliaj në një postim të tijin në facebook, ku gjithashtu informon se edhe për pak ditë do të hapen segmenti 3 dhe 4 i unazës. “Drejt fundit sinjalistika tek 9-Katëshet. Bashkia Tiranë përshtat trotuaret me pllaka orientuese për shkopin e bardhë. Edhe pak punë për të hapur 3 nga 4 segmentet e Unazës së Vogël! Faleminderit për durimin!”, shkruan Veliaj.
