Në një postim në Facebook, deputetja e Partisë Demokratike, Jorida Tabaku shprehet se kostoja e Unazës së Tiranës është 24 milionë euro për kilometër.
Ajo e quan këtë tender, një korrupsion të paprecedentë.
“Mbi koston e Unazës së Tiranës!
Kemi disa ditë që diskutojmë për koston e Unazës së Tiranës dhe faktit që kosto për kilometër është 20 milionë euro. Në fakt të gjitha tenderët publike japin vlerën e tenderit pa TVSH, që do të thotë kosto është në të vërtetë 48 milionë euro dhe 24 milionë euro për kilometër.
Kjo tabelë e ARSH e tregon më së miri korrupsionin e paprecedentë me këtë tender!” shkruan Tabaku.
/b.d
