Kryetari i Partisë Demokratike, Lulzim Basha, deklaron se Këshilli Bashkiak i Pogradecit kaloi sot në unanimitet Paketën Fiskale ku parashikon uljen e taksave kryesisht nga 10 deri në 30 %.
Kryetari i PD-së, Basha, marrë shkas nga vendimi i sotëm i Këshillit Bashkiak Pogradec për uljen e taksave, e kosideron ate si modeli i demokratëve dhe i Partisë Demokratike.
Nëpërmjet statusit të tij social Facebook pasditen e të mërkurës, Basha shprehet: “Këshilli Bashkiak i Pogradecit kaloi sot në unanimitet Paketën Fiskale të kryetarit të Bashkisë, Eduart Kapri. Vendimi parashikon uljen e taksave kryesisht nga 10 deri në 30 %. Përshëndes kryebashkiakun Kapri dhe këshilltarët për vendimin për të ulur taksat dhe për t’i dhënë frymëmarrje biznesit”.
“Ky është modeli i demokratëve: taksa të ulëta, punësim dhe zhvillim. Sot në bashkitë që drejtojmë, nesër në qeveri në të gjithë Shqipërinë”, shprehet Basha duke sjellë si imazh një foto të Pogracecit.
