Për dy ditë me radhë në pikën e kalimit kufitar të Kapshticës ndalohen të kalojnë mjetet e rënda.
Drejtoria Vendore e Kufirit dhe Migracionit Korçë, bën me dije se është njoftuar nga pala greke në Pikën e Kalimit Kufitar Kapshticë, se në datën 5 janar, nga ora 06:00 deri në orën 23:59 të datës 6 janar, nuk do të lejohet kalimi i mjeteve të tonazhit të rëndë (kamionë), në drejtim të Greqisë.
Kjo masë vjen për të shmangur problemet dhe vështirësitë në qarkullim, si pasojë e prezencës të akullit në rrugë.
Ndërkohë do të lejohet kalimi i autoveturave dhe autobusëve të cilët duhet të jenë të pajisur me zinxhirë.
Policia Kufitare, apelon drejtuesit e mjeteve të tonazhit të rëndë, që kanë planifikuar lëvizjen për në shtetin grek nëpërmjet pikës kufitare Kapshticë, ta shmangin ose të përdorin pikat e tjera të kalimit kufitar me Greqinë, deri në normalizimin e situatës.
/a.r
