Ulet ndjeshëm numri i infektimeve nga COVID-19 në Kosovë. Gjatë 24 orët e fundit kanë rezultuar me koronavirus 14 persona dhe është raportuar 1 viktimë.
Numri i rasteve të reja pozitive është përgjysmuar, ndërsa nga dje që nuk u regjistrua asnjë viktimë, gjatë 24 orët e fundit ka humbur jetën një qytetar.
Ndërkohë 93 persona kanë arritur të fitojnë betejën me COVID-19.
Sipas IKSHPK-së rastet pozitive janë nga komunat: Prishtinë 4 raste, Ferizaj 2 raste, Mitrovicë 2 raste dhe me nga një rast komunat Deçan, Fushë-Kosovë, Gjakovë, Gjilan, Kaçanik dhe Vushtrri.
Rasti i vdekjes është nga komuna: Rahovec 1 rast (71 vjeç).
Numri total i infektimeve nga COVID-19 ka shkuar 107.258, ndërkohë që ai i viktimave është 2.240 në të gjithë vendin që nga fillimi i pandemisë, duke përfshirë edhe përditësimet e ditës së sotme.
Procesi i vaksinimit në Kosovë ka nisur më 28 mars, kur në vend mbërritën dozat e para të vaksinës anti-COVID.
Situata epidemiologjike në Kosovë paraqitet mjaft e stabilizuar.
/b.h
