Interesi për vaksinën anti-Covid vijon të jetë i lartë këtu në sheshin “Skënderbej”. Aktualisht po operohet me injektimin e dozës së parë me vaksinën Astra Zeneca ndërkohë paralelisht po në të njëjtin vend po injektohet dhe doza e dytë e vaksinës kineze.
60 mije doza të vaksinës Coronavac janë shpërndarë në të gjithë vendin për t’u ofruar qytetarëve dozën e dyte të vaksinës, e cila ishte shtyrë me disa dite për shkak të mungesës.
“Bëra dozën e dyte të vaksinës kineze, e kisha në 7 Maj, po erdha dy herë s’kishte vaksina tani erdhën e bëra”.
Deri me tani në të gjithë vendin janë aplikuar më shumë se 480 mijë doza të vaksinës kineze, prej të cilave mbi 100 mijë kanë marrë dy doza.
Procesi i vaksinimit në vend vijon në të gjitha pikat e ngritura me disa lloje vaksinash.
Që prej nisjes së procesit të vaksinimit anti-Covid në Janar deri tani janë injektuar mbi 716 mijë vaksina të llojeve të ndryshme, tek të moshuarit, mjekët, mësuesit, gazetarët, punonjësit e hoteleri turizmit, fasoneritë, si dhe të sëmurët kronikë.
/a.r
