Krimet ekonomike dhe financiare përbëjnë grupin e dytë të shkeljeve penale gjatë vitit 2014, numri i të cilave është më i konsiderueshëm në qarkun e Tiranës… Ajo që vihet re sipas këtyre të dhënave është se, numri total i krimeve të tilla në 2014 ka pësuar rënie me 15.7 %, krahasuar me një vit më parë.
Në vitin 2013 numri i shkeljeve në fushën financiare ka qenë në total 2318, ndërsa në vitin 2014 ky numër ka qenë 1980, me një rënie prej 16%.
Sipas të dhënave të Drejtorisë së Përgjithshme së Policisë, Krimet ekonomike dhe financiare”, për vitin 2014, kanë arritur numrin më të lartë të shkeljeve në qarkun e Tiranës.
Ky grup veprash penale “Krimet ekonomike- financiare” përbën grupin e dytë të shkeljeve më të mëdha, përgjatë vitit 2014.
E ndarë sipas qarqeve, Elbasani ndjek Tiranën për nga numri i veprave penale të kryera, ndërsa në vend të tretë gjendet qarku i Fierit.
Shkelje të tilla kanë qenë më të pakta në numër në qarkun e Gjirokastrës, në total 40 përgjatë gjithë vitit, më pas qarku i Dibrës me 64 shkelje dhe ai i Kukësit me 79 të tilla.
MONITOR
