• Kontakt
  • Kreu
  • Rreth Nesh
Tuesday, May 17, 2022
  • Login
Javanews
  • Politikë
  • Kronikë
  • Ekonomi
  • Bota
  • Sport
  • Kulturë
  • Opinion
  • Tendencë
  • Të tjera
    • Media në Tranzicion
    • Kosova
    • Editorial
    • Kuriozitete
    • Teknologji
    • Sociale
    • Horoskopi
    • Dossier
    • Shëndetesi
    • Exlibris
    • Intervistë
    • Kuzhinë
    • Në plan të parë
    • Rajon
No Result
View All Result
Javanews
Home Ekonomi

“Ulen komisionet për transfertat bankare në euro”/ Banka e Shqipërisë finalizon projektin: Ka impakt edhe në nivel ekonomik

Java News by Java News
25/01/2022 08:15
“Ulen komisionet për transfertat bankare në euro”/ Banka e Shqipërisë finalizon projektin: Ka impakt edhe në nivel ekonomik
Shperndaj ne FacebookShperndaj ne Twitter

Banka e Shqipërisë njoftoi të hënën nisjen e funksionimit të sistemit të pagesave AIPS Euro, që do të procesojë pagesat e klientëve të bankave në euro, brenda vendit. Ky sistem do të sjellë një ulje drastike të komisioneve për transfertat ndërbankare kombëtare në euro.

Deri javën e kaluar, transfertat në euro mund të bëheshin vetëm nëpërmjet përdorimit të llogarive që bankat shqiptare kanë në banka korrespondente jashtë vendit. Kjo rrugë krijonte vonesa në kohë dhe, mbi të gjitha, kosto shumë më të larta krahasuar me transfertat në lekë. Me sistemin e ri AIPS Euro, Banka e Shqpërisë ka përcaktuar edhe vlera tavan që bankat tregtare për komisionet që ato mund t’iu ngarkojnë klientëve të tyre.

Për pagesat në nisje të urdhëruara nga klientë të pjesëmarrësve dhe që transferohen nëpërmjet sistemit AIPS EURO, me vlerë më të vogël ose të barabartë me 10 mijë euro, totali i komisioneve të aplikuara nga pjesëmarrësi origjinue për çdo urdhërpagesë nuk duhet të jenë më i lartë se 0.2% e vlerës së transferuar dhe komisioni dysheme nuk mund të jetë më i lartë se 6 euro. Për pagesat në nisje të urdhëruara nga klientë të pjesëmarrësve dhe që transferohen nëpërmjet sistemit AIPS EURO, por që janë të iniciuara në formë elektronike, totali i komisioneve të aplikuara nga pjesëmarrësi origjinues për çdo urdhërpagesë nuk duhet të jetë më i lartë se 50% e totalit të komisioneve të aplikuara për çdo pagesë të iniciuar në formë jo elektronike. Kjo do të thotë zbatimin e totalit të komisioneve dysheme të lartë se 3 euro, totalit të komisioneve jo më të lartë se 0.1% e vlerës së transferuar për vlerë më të vogël ose të barabartë me 10 mijë euro.

Në total, për pagesat në nisje të urdhëruara nga klientë të pjesëmarrësve dhe që transferohen

nëpërmjet sistemit AIPS EURO, totali i komisioneve maksimum të aplikuara nga

pjesëmarrësi origjinues për çdo urdhërpagesë, nuk duhet të jetë më i lartë se 50 Euro, pavarësisht nga shuma. Gjithashtu, për transfertat e kryera përmes këtij sistemi në asnjë rast nuk duhet të aplikohen komisione për fondet në mbërritje.

Sipas Bankës së Shqipërisë, përmbushja e këtij projekti nxit arritjen e objektivit të krijimit të një tregu modern e gjithëpërfshirës të pagesave me vlerë të vogël, të mbështetur nga infrastruktura të sigurta dhe efikase, si dhe nga një gamë e gjerë instrumentesh dhe shërbimesh të pagesave që përmbushin nevojat e përdoruesve të tyre, të aftë financiarisht, në të gjithë vendin.

Promovimi i këtij objektivi vlerësohet se do të arrihet përmes një sërë përfitimesh që sjell projekti në tregun shqiptar të pagesave. Në ndryshim nga mënyra joefikase e funksionimit të deritanishëm të tregut nëpërmjet bankave korrespondente jashtë vendit, operimi i Sistemit AIPS Euro iu mundëson qytetarëve shqiptarë kryerjen e pagesave në euro brenda vendit me kosto shumë më të ulët dhe brenda një afati kohor shumë më të shkurtër nga procesi aktual i kryer nëpërmjet bankave korrespondente. Gjithashtu, ky projekt vlerësohet të ketë efekte mjaft pozitive edhe nga pikëpamja e administrimit të parasë fizike në euro nga ana e bankave dhe promovimit të pagesave elektronike edhe në këtë segment të tregut, duke nxitur qytetarët shqiptarë drejt përdorimit të këtyre instrumenteve jo vetëm si rrjedhojë e efikasitetit dhe shpejtësisë që ato ofrojnë, por dhe të kostove ndjeshëm më të ulëta që do të aplikohen nga bankat për transfertat elektronike.

Vendimmarrja e rregullimit të komisioneve të aplikuara nga bankat synon balancimin e një sërë objektivash strategjikë të Bankës së Shqipërisë, ku përfshihen nxitja e formalizimit të pagesave në Euro, promovimi i një mënyre më efektive për kryerjen e këtyre pagesave, por njëkohësisht duke i dhënë prioritet pagesave në Lekë, të cilat janë më të lira bazuar në vlerat tavan të vendosura nga Banka e Shqipërisë me qëllim mbështetjen e politikave për deeuroizim të pagesave. Sipas Bankës së Shqipërisë, ulja e komisioneve dhe krijimi i ekonomisë së shkallës është një domosdoshmëri aktuale për tregun shqiptar në kuadër të integrimit në tregjet e Bashkimit Europian.

Në mënyrë të tërthortë, ky projekt shoqërohet me një sërë faktorësh që ndikojnë mirëqenien individuale të klientit, të bankës dhe ekonomisë në tërësi. Për vetë faktin që pagesat procesohen brenda vendit, në rast të një pasaktësie në procesimin e pagesës, zgjidhja e problematikës do të jetë shumë më e lehtë krahasuar me procesimin nëpërmjet bankave korrespondente, si dhe do të rregullohet në tërësinë e saj nga kuadri ligjor e rregullativ prudencial i mbrojtjes së konsumatorit, i krijuar nga ligji “Për shërbimet e pagesave”. Gjithashtu, sipas Bankës së Shqipërisë, ky projekt ka një impakt të gjerë në nivel ekonomik duke përfshirë mbajtjen në ekonominë vendase të komisioneve të konsiderueshme, të cilat përftoheshin nga bankat korrespondente jashtë vendit, si dhe ruajtjen e stabilitetit financiar dhe atij monetar, duke pasur të gjithë mekanizmat e nevojshëm monitorues për sa i përket këtij segmenti të tregut./MONITOR

g.kosovari

Next Post
Kishte fituar 3 milionë dollarë në lotari/ Gruaja e zbuloi pasi kontrolloi mesazhet “spam”

Kishte fituar 3 milionë dollarë në lotari/ Gruaja e zbuloi pasi kontrolloi mesazhet “spam”

Leave a Reply Cancel reply

Your email address will not be published. Required fields are marked *

e-albania e-albania e-albania

LAJMET E FUNDIT

“LSI nuk e njeh rezultatin e zgjedhjeve”/ Mehmetaj: Fushata ka qenë e pastër, kandidatët s’blenë vota, ku t’i gjenin lekët

Nënkryetarja e LSI: S’jemi dakord me Kushtetutën, President nga populli. Duhet një person me integritet

May 16, 2022
“President, ne jemi këtu”/ Ukrainasit mbërrijnë në kufi me Rusinë, mesazh Zelenskit

“President, ne jemi këtu”/ Ukrainasit mbërrijnë në kufi me Rusinë, mesazh Zelenskit

May 16, 2022
“SPAK po heton një wc provizore te ‘Sami Frashëri’. Nuk…”/ Veliaj: Shkolla nuk është shtëpia ime private

“SPAK po heton një wc provizore te ‘Sami Frashëri’. Nuk…”/ Veliaj: Shkolla nuk është shtëpia ime private

May 16, 2022
Nis evakuimi nga fabrikat e çelikut Azovstal, nxirret ushtari i parë i plagosur

Nis evakuimi nga fabrikat e çelikut Azovstal, nxirret ushtari i parë i plagosur

May 16, 2022
Akuzat e Berishës ndaj BE, reagon Balla: Zaptimi 30 vjeçar i PD nga sekretari i PPSH-së!

“Berisha kërkoi të legalizohej”/ Rrëzimi i rezolutës për gjenocidin serb, Balla: Qëndrimi s’ka të bëjë me Srebrenicën! Kompromis me shejtanin s’bëhet

May 16, 2022
‘S’komentoj rrobat e palara të opozitës’/ Veliaj: S’ka marrëveshje që lidh Shqipërinë me Maqedoninë e Veriut

‘S’komentoj rrobat e palara të opozitës’/ Veliaj: S’ka marrëveshje që lidh Shqipërinë me Maqedoninë e Veriut

May 16, 2022
Nga ‘Gërdeci’ tek ’21 janari’/ Klosi: Këto janë fajet që nuk i falen Berishës! Si e futi frymën e konfliktit në politikë

Nga ‘Gërdeci’ tek ’21 janari’/ Klosi: Këto janë fajet që nuk i falen Berishës! Si e futi frymën e konfliktit në politikë

May 16, 2022
“Ta plas dyfekun në faqe unë”/ Debat i ashpër Vangjeli-Shehaj: Po më kërcënon?

“Ta plas dyfekun në faqe unë”/ Debat i ashpër Vangjeli-Shehaj: Po më kërcënon?

May 16, 2022
Media austriake i përmendi ndërhyrjet plastike, Kryemadhi: Më akuzojnë për bukurinë që më ka falur nëna ime. Tërheqja e gjoksit…!

Media austriake i përmendi ndërhyrjet plastike, Kryemadhi: Më akuzojnë për bukurinë që më ka falur nëna ime. Tërheqja e gjoksit…!

May 16, 2022
Presidenti i ri/ Balla fton opozitën: Hajdeni me një listë me emra! Askush s’ja heq dot të drejtën PS që të propozojë…!

Presidenti i ri/ Balla fton opozitën: Hajdeni me një listë me emra! Askush s’ja heq dot të drejtën PS që të propozojë…!

May 16, 2022
JavaNews.al

  • Adresa: Rruga “Gjik Kuqali”, Pallati 2, Shkalla 2, Apartamenti 4, Tiranë
  • Email: javanews.al@gmail.com
  • Kontakt
  • Kreu
  • Rreth Nesh

© 2015 JAVA NEWS - Të drejtat mbi përmbajtjen mbrohen sipas etikës profesionale dhe ligjeve të Republikës së Shqipërisë.

No Result
View All Result
  • Politikë
  • Kronikë
  • Ekonomi
  • Bota
  • Sport
  • Kulturë
  • Opinion
  • Tendencë
  • Të tjera
    • Media në Tranzicion
    • Kosova
    • Editorial
    • Kuriozitete
    • Teknologji
    • Sociale
    • Horoskopi
    • Dossier
    • Shëndetesi
    • Exlibris
    • Intervistë
    • Kuzhinë
    • Në plan të parë
    • Rajon

© 2015 JAVA NEWS - Të drejtat mbi përmbajtjen mbrohen sipas etikës profesionale dhe ligjeve të Republikës së Shqipërisë.

Welcome Back!

Login to your account below

Forgotten Password?

Retrieve your password

Please enter your username or email address to reset your password.

Log In