Ukraina e ka refuzuar kandidatin e propozuar të Rusisë për ambasador të ardhshëm në Kiev, njofton një zyrtare e lartë e ministrisë së Jashtme ukrainase.
Mikhail Zurabov, i cili ishte i dërguari i Moskës në Kiev gjatë protestave rrugore kundër Rusisë, aneksimit rus të Krimesë në vitin 2014 dhe i përfshirjes së saj në konfliktin separatist në Ukrainën lindore, dha dorëheqje në korrik, raporton Reuters, përcjell Express.
Tani, Kremlini e ka propozuar Mikhail Babich, i cili ka mbajtur një numër të posteve të larta zyrtare në Rusi përfshirë dhe në shërbimin e sigurisë FSB, por zyrtarja e ministrisë së Jashtme ukrainase, Olena Zerkal, ka thënë se Kievi ka vendosur që mos ta konsiderojë propozimin.
“Për shkak të mënyrës se si është propozuar, është larguar nga agjenda,” tha ajo në një intervistë televizive, pa dhënë detaje tjera se pse kandidati është refuzuar, citohet Express. (b.an)
