Grupi më i madh i motoçiklistëve në Rusi, “Ujqërit e Natës” ka marrë mbështetje financiare nga presidenti Vladimir Putin prej 3.1 milionë rubla (50 mijë dollarë) për “bashkimin vëllazëror të kombit sllav”, njoftuan mediat në Moskë.
“Motoçiklistët rusë”, ashtu siç është quajtur zyrtarisht, të udhëhequr nga Aleksandar Zoldostanov “kirurg”, ka marrë mbështetje financiare nga Kremlini për idenë e “botës sllave”.
Në kërkesë preçizohet se është fjala për “mitingjet me motora dhe makina, që kanë për qëllim bashkimin vëllazëror sllav përmes diplomacisë publike.”
Institucioni presidencial i granteve të organizatave jo-qeveritare ka ekzistuar që nga viti 2006, por është bërë më aktual pasi Duma e Shtetit miratoi një ligj mbi “agjentët e huaj”, e cila pengon financimin e OJQ-ve nga jashtë.
Sipas Fondit për luftën kundër korrupsionit, “Ujqërit e Natës” gjatë vitit 2013 dhe 2014 në bazë të këtyre lëvizjeve kanë marrë ndihmë 56 milionë rubla, citohet BETA. (b.an)
