Edhe në këto ditë të ftohta dimri, Ujëvara e Sotirës ne Gramsh, vazhdon të jetë një mrekulli natyrore e vizitueshme nga turistë vendas e të huaj. Janë aventuriere të borës dhe të akullit që udhëtojnë drejt Gramshit për të shijuar këto bukuri natyrore. Kjo ujëvarë buron nga një shkëmb i malit të Tomorrit, që shkarkon disa mijëra litra ujë në sekonde dhe krijonë një shfaqje spetakolare stërkalash uji.
Sipas burimeve të AdMZ së Elbasanit, mbi 500 vizitorë kanë shijuar gjatë këtij sezoni këtë mrekulli natyrore dhe akoma kërkojnë nëpërmjet guidave të mbërrijnë në këtë atraksion turistik. Specialistët e AdZM Elbasan çdo ditë kujdesen për vizitorët, duke i shoqëruar dhe treguar për historinë dhe bukurinë e këtij vendi, por edhe të krejt zonës përreth. (ATSH)
