Pas ndeshjes historike ku Shqipëria triumfoi ndaj Rumanisë, fitorja e parë në një kompeticion të këtij niveli, vjen një lajm i keq për kombëtaren kuqezi.
UEFA njofton se ka nisur një hetim pas ndeshjes ndaj ekipeve të Rumanisë dhe Shqipërisë.
Mësohet se të dy ekipet sipas UEFA-s akuzohen për hedhjen e sendeve në fushë nga ana e tifozëve.
Tifozeritë e të dy ekipeve kanë hedhur fishekzjarrë në fushë. Shqipëria po hetohet edhe për një akuzë të dytë, atë të futjes së tifozëve në fushë pas ndeshjes. Hetimi mund t’i kushtojë penalizim të rëndë kombëtares./a.m.
